Štab Hajdukieviča śćviardžaje, što naźbiraŭ bolš za 100 tysiač podpisaŭ
Kiraŭnik inicyjatyŭnaj hrupy Siarhieja Hajdukieviča Aleh Hajdukievič paviedamlaje, što za jaho vysoŭvańnie kandydata ad ŁDP užo naźbirana bolš za 100 tysiač podpisaŭ. U piatnicu 7 žniŭnia padpisnyja listy pačali zdavać u terytaryjalnyja kamisii.
«My užo pačali zdavać padpisnyja listy. U Minsku zdadziena 15 tysiač podpisaŭ, u Viciebskaj vbłaści 11. Pa stanie na piatnicu 7 žniŭnia my mieli bolš za 100 tysiač podpisaŭ. A ahułam chočam zdać u CVK kala 120 tysiač parvieranych podpisaŭ, kab nie było nijakich pretenzij», — paviedamiŭ u razmovie ź Jeŭraradyjo Aleh Hajdukievič.
Na siońniašni dzień ab zbory 100 tysiač podpisaŭ taksama paviedamiŭ Viktar Ciareščanka.
Ab tym, što inicyjatyŭnaja hrupa Alaksandra Łukašenki zdała nieabchodnyja 100 tysiač podpisaŭ, kiraŭnik CVK Lidzija Jarmošyna raskazała žurnalistam 31 lipienia.
Zbor podpisaŭ za vysoŭvańnie kandydataŭ u prezidenty zaviaršajecca 21 žniŭnia.
