Armiju pasłali na bitvu za ŭradžaj
U adpaviednaści z daručeńniem Savieta ministraŭ Biełarusi Uzbrojenyja siły akazvajuć dapamohu sielskahaspadarčym arhanizacyjam krainy ŭ praviadzieńni ŭborki ŭradžaju.
Jak paviedamlaje pres-słužba Ministerstva abarony, dla kiraŭnictva dziejańniami asabovaha składu, vydzielenaha dla akazańnia dapamohi pa ŭborcy ŭradžaju, arhanizacyi ŭzajemadziejańnia ź miascovymi orhanami ŭłady va Uzbrojenych siłach stvorana adpaviednaja apieratyŭnaja hrupa.
Sa składu vajskoŭcaŭ i hramadzianskaha piersanału złučeńniaŭ i voinskich čaściej Uzbrojenych sił sfarmiravanyja zvodnyja aŭtamabilnyja ŭzvody 147-j zienitnaj rakietnaj bryhady Vajenna-pavietranych sił i vojskaŭ supraćpavietranaj abarony i 120-j asobnaj hvardziejskaj miechanizavanaj bryhady Paŭnočna-zachodniaha apieratyŭnaha kamandavańnia.
Usiaho dla pieravozki sielskahaspadarčych hruzaŭ zadziejničana bolš jak 100 vajskoŭcaŭ i kala 50 adzinak aŭtamabilnaj techniki.
Z 31 lipienia asabovy skład pačaŭ vykanańnie rabot u 21 sielskahaspadarčaj arhanizacyi ŭ Puchavickim, Staradarožskim, Kapylskim, Vałožynskim, Krupskim, Łahojskim rajonach Minskaj vobłaści i Mścisłaŭskim, Čavuskim rajonach Homielskaj vobłaści.
Na siońnia z paloŭ pieravieziena bolš jak 1000 ton ziernia i sielskahaspadarčaj pradukcyi.
