Sankcyjnyja pradukty ŭ Rasii prapanujuć skarmić žyviole
Pamočnik kiraŭnika Raśsielhasnahladu Alaksiej Alaksiejenka vykazaŭ mierkavańnie, što sankcyjnyja pradukty, jakija padlahajuć źniščeńniu, nie abaviazkova tolki spalvać.
«Nieabaviazkova ładzić śpieckrematoryj. Tavary źniščacca buduć roznymi sposabami ŭ zaležnaści ad rehijona, dzie jakija mahčymaści. Dla miasa, małočnaj pradukcyi — maksimalnaje vykarystańnie utylzavodaŭ, heta značyć tam, dzie ŭsio heta možna vykarystoŭvać jak syravinu dla vyrabu białkovaj muki, jakaja pojdzie u korm žyviołam. Kali budziem apracoŭvać na utylzavodach, to my navat atrymajem prybytak «, — zajaviŭ Alaksiejenka.
Sadavinu i harodninu, ličyć pamočnik kiraŭnika viedamstva, lepš źniščać z dapamohaj buldozieraŭ.
Raniej u viedamstvie zajaŭlali, što adpraŭlać pradukcyju ŭ dziciačyja damy abo ŭ dapamohu na paŭdniovy ŭschod Ukrainy niemetazhodna, pakolki «nieviadoma, kim zroblena hetaja pradukcyja, jakija ryzyki jana ŭ sabie niasie».
Pazbaŭlacca ad sankcyjnych praduktaŭ zahadana «nieadkładna» ŭ prysutnaści nie mienš za dvuch niezacikaŭlenych asobaŭ. Akramia taho, dakumient abaviazvaje zapisvać praceduru na videa i fota z ukazańniem daty i času.
Sankcyjnyja pradukty pačnuć źniščać z 6 žniŭnia.
