U Homieli zavieršanaje rasśledavańnie spravy maci, jakaja ŭtapiła dvaich dziaciej u vannaj
Va ŭpraŭleńni Śledčaha kamiteta pa Homielskaj vobłaści zavieršanaje rasśledavańnie kryminalnaj spravy ŭ dačynieńni da 25-hadovaj hamialčanki, jakaja abvinavačvajecca ŭ zabojstvie svaich małych dziaciej.
Jak paviedamlaje USK pa Homielskaj vobłaści, padčas papiaredniaha rasśledavańnia ŭstanoŭlena, što 7 krasavika viečaram žančyna prymała vannu razam z dvuchhadovym synam. Kirujučysia raptoŭnym namieram pazbavić małoje žyćcia, jana pahruziła dzicia ŭ vadu ŭ vańnie i ŭtrymlivała pad vadoj da nastupleńnia jaho śmierci. Zatym pryniesła ź inšaha pakoja ŭ vannuju svaju dačku 2014 hoda naradžeńnia i ŭtapiła jaje.
Paśla ŭčynieńnia hetych dziejańniaŭ žančyna prybrała ŭ kvatery, zatym dastała cieły dziaciej z vady, pieraniesła ŭ inšy pakoj, apranuła ich i patelefanavała ŭ milicyju.
Pa kryminalnaj spravie praviedzieny kompleks śledčych dziejańniaŭ, u tym liku dopyty śviedak, śledčy ekśpierymient na miescy zdareńnia z udziełam maci, pryznačany i praviedzieny šerah ekśpiertyz.
Pavodle zaklučeńnia stacyjanarnaj kompleksnaj psichołaha-psichijatryčnaj ekśpiertyzy, u abvinavačanaj u pieryjad času, jaki adnosicca da inkryminavanaha joj dziejańnia, dyjahnastujecca dyssacyjalnaje rasstrojstva asoby. Ekśpierty ŭstanavili, što u toj pieryjad času žančyna nie znachodziłasia ŭ stanie afiektu, mahła razumieć faktyčny charaktar svaich dziejańniaŭ i kiravać imi.
Śledstva kvalifikavała dziejańni abvinavačanaj na padstavie pp. 2, 6, 16 č. 2 art. 139 KK (zabojstva małaletnich, učynienaje z asablivaj žorstkaściu).
