Na prajeznaj častcy ŭ centry Minska źjaviacca vydzielenyja astraŭki sa skulpturami
28 lipienia na skryžavańni vulic Internacyjanalnaj i Lenina darožniki pačali ŭstaloŭvać astravok, abmiežavany ad prajeznaj častki bardziuram. Navošta heta robicca i dzie jašče źjaviacca padobnyja kanstrukcyi, nam raspaviali ŭ DAI Centralnaha rajona horada.
Fota: Maksim Puškin
Jak akazałasia, astravok paŭstanie ŭ ramkach ŭładkavańnia płatnych parkovak u histaryčnaj častcy stalicy. Hałoŭnaje jaho pryznačeńnie ŭ tym, kab vyklučyć parušeńni kiroŭcami praviłaŭ prypynku i stajanki. Praściej kažučy, kab aŭtamabilisty nie parkavalisia na piešachodnym pierachodzie i bližej za 15 mietraŭ ad skryžavańnia. Taksama heta palehčyć prachod piešachodam i daść im bolšuju biaśpieku.
U DAI kažuć, što prastoru ŭnutry abkładuć tratuarnaj plitkaj. A kab paźbiehnuć zajezdu mašyn na astravok, mahčyma, na ich źjaviacca «małyja architekturnyja formy».
Jašče adna padobnaja kanstrukcyja ŭ najbližejšy čas źjavicca i na skryžavańni Internacyjanalnaj i Kamsamolskaj.
Pa miery arhanizacyi płatnych parkovak u centry, mahčyma, i dalej buduć budavać takija astraŭki, raspaviali ŭ DAI.
Pieršapačatkova płatnyja parkoŭki zrobiać na ŭsioj Internacyjanalnaj, a potym zojmucca Revalucyjnaj, a taksama učastkam Kamsamolskaj ad Niamihi da Internacyjanalnaj.
Darečy, u suviazi z naniasieńniem raźmietki 28 i 29 lipienia z 20.00 da 02.00 budzie zabaronienaja parkoŭka na adrezku Internacyjanalnaj ad Kamsamolskaj da Lenina.