Na Soncy znoŭ uspyška, jašče adna mahnitnaja bura projdzie 27—28 červienia
Sonca padčas uspyški 25 červienia. Fota: NASA/SDO
Na Soncy 25 červienia adbyłasia čarhovaja ŭspyška, skiravanaja ŭ bok Ziamli, paviedamlaje NASA. Jana ŭpisvajecca ŭ sieryju ŭspyšak, anamalnych dla takoha času. Pik uspyški pryjšoŭsia na 11:16 pa Minskim časie.
Pavodle prahnozaŭ, na hety raz škodnaje vypramieńvańnie naŭrad ci projdzie praz atmaśfieru Ziamli, ale moža paškodzić kaśmičnyja aparaty na arbicie i źbić GPS.
Kłas ciapierašniaj uspyški — M7.9, jana pachodzić z taho ž rehijonu, što byŭ aktyŭnym niekalki dzion tamu. Kłas papiaredniaj uspyški 22 červienia byŭ słabiejšym, M6.5.
Ad papiaredniaj uspyški na Ziamli nazirałasia samaja mahutnaja za 12 hod mahnitnaja bura. Na 27—28 červienia prahnazujecca mahnitnaja bura, zaŭvažna słabiejšaja za papiaredniuju.
