Hubiernatar Branskaj vobłaści ŭziaty pad chatni aryšt
Mikałaja Dzienina, hubiernatara susiedniaj ź Biełaruśsiu Branskaj vobłaści Rasii, uziali pad chatni aryšt. Takoje rašeńnie pryniaŭ Saviecki rajonny sud Branska 21 maja. Čynoŭnika padazrajuć u karupcyi.
Dzieninu vystaŭlenaje abvinavačvańnie pa č.2 art.285 KK RF («Złoŭžyvańnie słužbovymi paŭnamoctvami asobaj, jakaja zajmaje dziaržaŭnuju pasadu subjekta Rasijskaj Fiederacyi»).
Pa viersii śledstva, u śniežni 2011 i studzieni 2012 hoda hubiernatar padpisaŭ rasparadžeńni ab vydzialeńni z reziervovaha fondu vobłaści bolš za 21,8 młn rubloŭ (kala 700 tysiač dalaraŭ) dla patreb padkantrolnaj jahonaj siamji kamiercyjnaj arhanizacyi — AAT «Śniežka». Biudžetnyja srodki byli vydzielenyja ŭ adsutnaść zakonnych padstaŭ i vydatkavany hramadstvam na biahučuju finansava-haspadarčuju dziejnaść na padstavie likvidacyi nastupstvaŭ vybuchu ŭ adnym z vytvorčych pamiaškańniaŭ, jaki adbyŭsia z pryčyny parušeńnia patrabavańniaŭ techniki biaśpieki. Padstavaj dla kryminalnaj spravy pasłužyli materyjały Fiederalnaj słužby biaśpieki Rasii.
