Aktyvist «Jeŭrapiejskaj Biełarusi» Leanid Kułakoŭ asudžany na siem sutak
Aktyvist hramadzianskaj kampanii «Jeŭrapiejskaja Biełaruś» Leanid Kułakoŭ atrymaŭ siem sutak administracyjnaha aryštu pa abvinavačańni ŭ niesankcyjanavanym pikiecie 25 krasavika na Kurhanie Słavy.
Razhlad spravy adbyŭsia 11 maja ŭ sudzie Smalavickaha rajona (Minskaja vobłaść) pad staršynstvam Liny Barodzič, paviedamiŭ pravaabarončy resurs spring96.org.
Na Kurhanie Słavy Kułakoŭ znachodziŭsia z «niezarehistravanym ściaham i płakatam «Akupanty preč». Heta adzin z punktaŭ, dzie spynialisia rasijskija bajkiery z prapucinskaha abjadnańnia «Načnyja vaŭki» padčas motaprabiehu z nahody 70-hodździa Pieramohi ŭ Vialikaj Ajčynnaj vajnie. Sudździa pryznaŭ Kułakova arhanizataram i ŭdzielnikam niesankcyjanavanaha adzinočnaha pikieta.
Jak paviedamlałasia raniej, 55-hadovy Kułakoŭ byŭ zatrymany ŭ siabie doma ŭ Minsku 8 maja ŭ 21.30. Amal dvoje sutak blizkija Kułakova nie viedali pra jaho miescaznachodžańnie, pakul u milicyi im nie paviedamili, što aktyvist znachodzicca ŭ Smalavickim RAUS.
