U Biełarusi raspracavanaja interaktyŭnaja karta mihracyj ziemnavodnych
U Biełarusi raspracavana interaktyŭnaja karta mihracyj ziemnavodnych, paviedamili ŭ pres-słužbie Ministerstva pryrodnych resursaŭ i achovy navakolnaha asiarodździa.
«Interaktyŭnuju kartu mihracyj ziemnavodnych raspracavali śpiecyjalisty Nacyjanalnaj akademii navuk Biełarusi na asnovie vobłačnaj infrastruktury kartahrafičnaj płatformy ArcGIS Online», — rastłumačyli ŭ pres-słužbie.
Karta ŭjaŭlaje saboj biaspłatny piłotny internet-dadatak, jaki daje mahčymaść lubomu internet-karystalniku ŭnosić danyja pa viadomych učastkach aŭtadaroh, na jakich adznačajecca hibiel ziemnavodnych. Atrymanuju infarmacyju praviarajuć i potym analizujuć vopytnyja śpiecyjalisty DNVA «NPC NAN Biełarusi pa bijaresursach».
«Uličvajučy, što ciapier nadychodzić pieryjad aktyŭnaj mihracyi ziemnavodnych, my zaprašajem usich amataraŭ pryrody i hramadskija arhanizacyi dałučycca da karciravańnia miesc mihracyi ziemnavodnych z vykarystańniem novaha resursu», — padkreślili ŭ Minpryrody.
