U Kišyniovie dziasiatki tysiač ludziej vyjšli na mitynh suprać kirujučaj kaalicyi FOTA
Fota MOLDNEWS
Dziasiatki tysiač ludziej vyjšli na antyŭradavy pratest, arhanizavany ŭ niadzielu, 3 traŭnia, u centry Kišyniova Hramadzianskaj płatformaj «Demnitate şi Adevăr».
Hramadzianie pratestujuć suprać dziejańniaŭ kirujučaj kaalicyi. Ludzi niezadavolenyja paharšeńniem ekanamičnaj i sacyjalnaj situacyi.
Jany vystupajuć suprać karupcyi, «mafijatyzacyi i zachopu ŭsich dziaržaŭnych struktur złačynnymi kłanami».
Pratestoŭcy patrabujuć rasśledavańnia vyviedzienych z troch bankaŭ krainy $1 młrd i zaklikajuć da adstaŭki kiraŭnikoŭ hienprakuratury, centra pa baraćbie z karupcyjaj, mytnaj słužby i jašče šerahu viedamstvaŭ.
Mitynhoŭcy patrabujuć spynieńnia napadaŭ na svabodu presy, šantažu i pahroz u adras palityčnych apanientaŭ.
Anałahičnyja pratesty byli abvieščanyja na 3 maja małdavanami za miažoj u Francyi, Hiermanii, Italii, Ispanii, Hrecyi i inš.
«U nas niama inšych ryčahoŭ uździejańnia, my nie možam prymianić siłu, tamu my skarystajemsia cyvilizavanymi mietadami, choć naša ŭłada ich nie pryznaje. Jany apahanili ŭsio: demakratyju, svabodu vykazvańnia mierkavańnia.
Heta jašče adzin šaniec spynić troch złačyncaŭ va ŭładzie», — zajaŭlaŭ napiaredadni člen «DA», advakat Andrej Nestase.
Kirujučuju kaalicuju ŭ małdaŭskim parłamiencie uznačalvajuć Uład Fiłat — lidar Libierał-demakratyčnaj partyi, Uładzimir Varonin — lidar partyi kamunistaŭ, Uładzimir Płachatniuk — vice-staršynia Demakratyčnaj partyi.