U Polščy palicejski zastreliŭ futbolnaha fanata
Incydent adbyŭsia ŭ polskim Knuruvie 2 maja padčas matču «Kankordyja» (Knuruv) — «Ruch» (Radzienkuv), paviedamlaje partał Iknurow.
Paśla matču častka fanataŭ vybiehła na pole, a zaŭziatary kamandy haspadaroŭ atakavali fanataŭ haściavoj kamandy. Dyktar stadyjona zaklikaŭ ich supakoicca, ale ŭ situacyju ŭsio ž pryjšłosia ŭmiašacca pradstaŭnikam palicyi. Adzin ź ich zrabiŭ niekalki strełaŭ — humovaja kula patrapiła ŭ šyju fanatu, parušyła krovazvarot u arteryjach ŭ vobłaści hartani.
Fota iknurow.pl
Na 17-j chvilinie videa možna razhledzieć, jak adzin z fanataŭ (u šeraj bajcy z kapiušonam) padskokvaje ad bolu paśla taho, jak u jaho traplaje kula.
Videa iknurow.pl
27-hadovy zaŭziatar byŭ dastaŭleny ŭ balnicu, adnak jaho žyćcio vyratavać nie ŭdałosia.
Paśla śmierci fanata niekalki sotniaŭ čałaviek sabralisia pierad špitalem i budynkam palicyi ŭ Knurovie, dzie pačalisia sutyknieńni z palicyjaj.
U niekatorych z tych, chto sabraŭsia byli pry sabie «kaktejli Mołatava». U chodzie sutyknieńniaŭ paciarpieli niekalki palicejskich.
