U Niepale — novy ziemlatrus mahnitudaj 6,7: u Deli chistalisia budynki, 65 alpinistaŭ zahinuli
U Niepale i Indyi 26 krasavika znoŭ adbyŭsia mocny ziemlatrus. Padziemnyja šturški mahnitudaj 6,7 vyklikali schod łavin u Himałajach (65 alpinistaŭ zahinuli), a ŭ Deli zahajdalisia budynki.
Rumynski alpinist Aleks Havan, jaki znachodzicca ŭ bazavym łahiery na Eviereście, napisaŭ u Twitter, što paśla afteršoku ŭ harach syšli try łaviny.
Raniej 26 krasavika paviedamlałasia, što z-za schodu śniežnaj masy na najvyšejšaj viaršyni śvietu zahinuli 65 čałaviek.
Jašče kala tysiačy alpinistaŭ zastavalisia ŭ bazavym łahiery ŭ čakańni evakuacyi.
AP
Pavodle apošnich źviestak, u vyniku ziemlatrusu, jaki adbyŭsia ŭ Niepale 25 krasavika, zahinuli bolš za dźvie tysiač čałaviek, kala piaci tysiač atrymali traŭmy. Mahnituda padziemnych šturškoŭ tady skłała 7,9.
Ziemlatrus vyklikaŭ schod łavin ŭ Himałajach, razburyła mnostva budynkaŭ u stalicy Niepała Katmandu. Potym adbyłasia sieryja afteršokaŭ. Padziemnyja šturški adčuvalisia taksama na poŭnačy Indyi.
