Pa «Maleńkim pryncy» Ekziupiery źniali paŭnamietražny multfilm TREJLER
Kazka Antuana de Sent-Ekziupiery pieratvorycca ŭ paŭnamietražny animacyjny film. Pieranieści na ekrany lepšuju francuzkuju knihu XX stahodździa ŭzialisia stvaralnik «Kunh-fu pandy» amierykanski režysior Mark Osbarn i francuzskija multyplikatary.
U «Maleńkim pryncy» Osbarna, akramia apisanych u knizie, źjaŭlajucca i novyja hieroi. Tak, piłot, jaki byŭ apaviadalnikam u knizie, u multfilmie raskazvaje historyju sustrečy z Maleńkim pryncam dziaŭčyncy, što nie maje času na siabroŭ, bo apantanaja karjeraj maci prymušaje jaje pryśviačać uvieś čas karysnym dla budučyni zaniatkam.
Multfilm źniaty ŭ źmiešanaj technicy. Dla knižnych epizodaŭ vykarystana lalečnaja animacyja, a hieroi namalavany ŭ adpaviednaści ź ilustracyjami samoha Sent-Ekziupiery. Druhasnaja siužetnaja linija vykanana z dapamohaj kampjutarnaj animacyi.
Biudžet stužki skłaŭ 57 młn jeŭra. Premjera «Maleńkaha prynca» adbudziecca na 68-m Kanskim kinafiestyvali (z 13 pa 24 maja 2015 h.), a reliz filma ŭ francuzskich kinateatrach zapłanavany na 29 lipienia, napiaredadni ŭhodak hibieli Antuana de Sent-Ekziupiery.
