Kiraŭnik MZS Hiermanii pieraściaroh Rasiju ad pryznańnia «DNR» i «ŁNR»
Pryznańnie Rasijaj samaabvieščanych «respublik» na ŭschodzie Ukrainy «nadzvyčaj uskładniła b» mirnaje ŭrehulavańnie. Pra heta, jak pieradaje DPA, zajaviŭ ministr zamiežnych spraŭ Hiermanii Frank-Valter Štajnmajer.
Pa słovach kiraŭnika MZS, asnoŭnaj dla minskich pahadnieńniaŭ i damoŭlenaściej pa ich było adzinstva Ukrainy.
Pra toje, što Rasija moža pryznać Danieckuju i Łuhanskuju «narodnyja respubliki», raniej zajaviŭ prezident Uładzimir Pucin. Ja zaraz nie chacieŭ by na hety kont razvažać. Bo što b ja ni skazaŭ, usio moža być kontrpraduktyŭna. My budziem hladzieć pa realijach, jakija ŭźnikajuć u žyćci», — skazaŭ jon.
«DNR» i «ŁNR» byli abvieščanyja ŭ krasaviku 2014 hoda. Ukraina ličyć ich terarystyčnymi dziaržavami. Niezaležnaść «DNR» i «ŁNR» pryznała tolki Paŭdniovaja Asiecija, jakaja sama pryznanaja tolki častkova.
