Marski bieśpiłotnik-bambavik moža stać novaj «doŭhaj rukoj» ZŠA
Adnosna niadaŭna bajavyja bieśpiłotnyja latučyja aparaty stali hierojami bajavych dziejańniaŭ, ale zvyčajna jany dahetul adnosna nievialikija, trymajucca ŭ pavietry nie tak doŭha, jak kłasičnyja bajavyja samaloty, niasuć mienš uzbrajeńniaŭ.
X-47B kampanii Northrop Grumman — udzielnik prahramy pa stvareńni bajavoha avijanosnaha bieśpiłotnika; wikipedia.org
Adnak prahres u hetaj śfiery idzie imklivym tempam. Dva hady tamu bajavy bieśpiłotnik X-47B upieršyniu sieŭ na avijanosiec. Hod tamu dron pieršy raz u historyi avijacyi lataŭ u hrupie ź piłatavanymi źniščalnikami F/A-18. U hetym miesiacy, jak čakajecca, toj ž X-47B zrobić jašče adzin etapny krok — praviadzie dazapraŭku ŭ pavietry.
Pry hetym vajennyja analityki i ŭpłyvovyja siabry Kanhresu ZŠA ličać, što novyja raspracoŭki ŭ hetaj śfiery daloka nie dasiahnuli maksimumu, piša washingtonpost.com.
Hrupa amierykanskich zakanadaŭcaŭ, u jakuju ŭvachodzić respublikanski sienatar Džon MakKiejn, źviarnułasia da Pientahona z prapanovaj stvaryć ciažki bieśpiłotnik dalniaha dziejańnia z vykarystańniem technałohij stełs, zdolny nieści surjoznaje rakietna-bombavaje ŭzbrajeńnie i baziravacca na avijanoscach.
Heta, na dumku kanhresmienaŭ, zachavaje marskoje i pavietranaje panavańnie ZŠA navat u situacyi, kali patencyjnyja praciŭniki pieraŭzbrojacca novymi pakaleńniami supraćkarabielnych i zienitnych rakiet.
U liście da ministra abarony Eštana Kartera MakKiejn, kiraŭnik Kamiteta Sienatu pa ŭzbrojenych siłach, zaznačyŭ, što treba: «Zabiaśpiečyć, kab pieršy bajavy bieśpiłotny aparat vajennaha fłotu ZŠA moh nie tolki pravodzić praciahłyja raźviedvalnyja i naziralnyja i rekahnascyrovačnyja paloty, ale i nanosić udary z avijanoscaŭ ź biaśpiečnych adlehłaściaŭ».
Padobnyja mašyny, kali jany, nie abmiežavanyja mahčymaściami arhanizma čałavieka-piłota, buduć zdolnyja vieści praciahłuju bajavuju vartu ŭ niebie, mohuć zaŭvažna źmianić samu kancepcyju bajavych dziejańniaŭ. Uličvajučy mahčymaść dazapraŭki, jany buduć zdolnyja być u luboj kropcy płaniety i źniščyć tam praktyčna luboha praciŭnika. Pry hetym, kali cel budzie dastatkova važnaj i dobra abaronienaj, suprać jaje možna budzie vykarystać adrazu šmat bieśpiłotnikaŭ, nie ryzykujučy žyćciami vajskoŭcaŭ.