Lustracyja zakranuła dźvie tysiačy ŭkrainskich čynoŭnikaŭ
U chodzie lustracyi, jakaja praciahvajecca va Ukrainie amal paŭhoda, pasady stracili kala dźviuch tysiač čałaviek, zajaviŭ premjer-ministr Ukrainy Arsienij Jacaniuk.
Pavodle jaho słoŭ, 500 čałaviek byli adpraŭlenyja ŭ adstaŭku prymusova. Jašče paŭtary tysiačy čałaviek zvolnilisia pa ŭłasnym žadańni.
Ukrainski zakon ab lustracyi ŭstupiŭ u siłu ŭ kastryčniku minułaha hoda. Jaho pałažeńni zabaraniajuć zajmać mnohija dziaržaŭnyja pasady čynoŭnikam, jakija pracavali pry prezidencie Viktary Janukovičy, a taksama supracoŭnikam savieckich śpiecsłužbaŭ i karupcyjanieram.
16 krasavika kanstytucyjny sud Ukrainy pravieryć, ci nie supiarečyć zakon ab lustracyi asnoŭnamu zakonu krainy.
Jacaniuk zajaviŭ, što suprać zakona vystupajuć čynoŭniki, jakija sprabujuć viarnucca va ŭładu.
