Kniha pra BNR vyjšła ŭ pierakładzie na biełaruskuju
Vyjšaŭ z druku pierakład na biełaruskuju movu knihi daśledčycy z polskaha Torunia Daroty Michaluk pad nazvaj «Biełaruskaja Narodnaja Respublika 1918—1920 hh.: la vytokaŭ biełaruskaj dziaržaŭnaści», paviedamlaje arche.by
U knizie apaviadajecca pra sprobu zdabyćcia biełarusami ŭłasnaj dziaržaŭnaści paśla Pieršaj suśvietnaj vajny. Aŭtarka namahałasia jak maha paŭniej pradstavić u joj naradžeńnie i raźvićcio biełaruskaj dziaržaŭnickaj idei, a taksama dziejnaść, jakaja pryviała da stvareńnia i abviaščeńnia niezaležnaści Biełaruskaj Narodnaj Respubliki. U pracy stavicca šmat važnych i aktualnych pytańniaŭ, siarod inšaha datyčnych raźvićcia biełaruskaj dziaržaŭnickaj idei, utvareńnia roznych palityčnych stratehij i sajuzaŭ. Adno z hałoŭnych pytańniaŭ — pryčyna niaŭdačy biełaruskich dziaržaŭnych płanaŭ: čamu biełarusy nie zdoleli zdabyć niezaležnaść paśla Pieršaj suśvietnaj vajny.
Chranałahična razhlad prablemy daviedzieny aŭtarkaj da padzieńnia ŭrada BNR na čale z Antonam Łuckievičam u lutym 1920 h., bo mienavita ŭ toj momant, na jaje dumku, razvaliŭsia biełaruski niezaležnicki łahier, a ŭrad BNR faktyčna straciŭ zdolnaść dziejničać.
Sa źmiestam knihi i ŭmovami dastaŭki možna aznajomicca tut
