Biełaruskija raspracoŭščyki hulniaŭ trapili pad sankcyi
Ruchavik Unreal Engine 4 niedasiažny ŭ Biełarusi.
Kadr z demanstracyi ruchavika Unreal Engine 4
Raspracoŭščyki ź Biełarusi paskardzilisia Onliner.by: dostup da biaspłatnaha hulniovaha hrafičnaha ruchavika Unreal Engine 4 im zakryty.
Karystalniki Unreal Engine 4 nie mohuć zahruzić novyja viersii ruchavika i navat zajści na sajt unrealengine.com.
Kampanija-raspracoŭščyk Epic Games spasyłajecca na sankcyi suprać Biełarusi. Tyja sankcyi tyčacca pieravažna pastavak zbroi, ale dakumient utrymlivaje punkt «pradstaŭleńnie tych ci inšych pasłuh». Epic Games paabiacała razabracca ŭ situacyi i kansultujecca ź jurystami.
***
Hrafičny ruchavik Unreal Engine 4 raspaŭsiudžvajecca biaspłatna dla ŭsich raspracoŭščykaŭ, čyj prybytak ad prahram nie pieravyšaje 3 tysiač dalaraŭ za kvartał. Na apošniaj viersii ruchavika stvoranyja takija hulni jak Dead Island 2, Fable Legends, Tekken 7, na papiaredniaj stvaralisia sieryi hulniaŭ Borderlands, Infinity Blade, Gears of War, Mass Effect i inšyja.