Sony pabiła ŭłasny rekord pa taŭščyni płanšeta
Xperia Z4 Tablet pry dyjahanali ŭ 10 calaŭ maje taŭščyniu ŭsiaho 6,1 mm.
Kampanija Sony pradstaviła na Mobile World Congress u Barsiełonie navinki liniejki Xperia, siarod jakich Android-smartfon Sony Xperia M4 Aqua, jaki jość sproščanaj viersijaj Xperia Z3, a taksama Adnroid-płanšet Xperia Z4 Tablet, u jakim Sony pabiła ŭłasny rekord minimalnaj taŭščyni.
Papiaredni płanšet Sony, Xperia Z3 Tablet Compact mieŭ rekordna małuju taŭščyniu ŭ 6,4 mm. Z4 tablet «chudziejšy» na 0,3 mm. Jaho vaha dastatkova małaja dla 10-calevaha płanšeta — kala 390 hram.
Jak śćviardžajuć vidavočcy, niahledziačy na małuju taŭščyniu, płanšet niaprosta pahnuć.
10-calevy IPS-dyspłej maje razroźnieńnie 2560×1600 kropak i vysokuju jaskravaść u 500 kd/m2. Jaho serca — mahutny čyp Qualcomm Snapdaron 810 z 8-jadziernym pracesaram, hrafičnym paskaralnikam Adreno 430 i 3 Hb apieratyŭnaj pamiaci. Ułasnaj pamiaci 32 Hb, jaje možna dapoŭnić kartkaj pamiaci microSD. Dźvie kamiery pryłady majuć razroźnieńnie 8 i 5 Mp. Akumulatar maje jomkaść 6000 mAh. Vytvorca nachvalvaje i muzyčnyja zdolnaści płanšeta.
Płanšet abaronieny ad pyli i vilhaci pa standarcie IP65/68.
Xperia Z4 Tablet źjavicca ŭ prodažy ŭviesnu. Cana płanšeta budzie kala 500 dalaraŭ u bazavaj viersii biez 4G, taksama budzie pradavacca viersija z 4G. U jakaści aksiesuara da płanšeta budzie pradavacca admysłovaja kłavijatura z tačpadam.
