7:07 — Łukašenka pabiŭ rekord pa praciahłaści pres-kanfierencyi
Siońniašniaja pres-kanfierencyja kiraŭnika dziaržavy — absalutny rekord Biełarusi. Da rekordu Fidela Kastra Łukašenka nie daciahnuŭ 3 chviliny.
Pres-kanfierencyja kiraŭnika dziaržavy pačałasia ab 11 hadzinie ranicy 29 studzienia.
Łukašenka 7 hadzin i 7 chvilin adkazvaŭ na pytańni biełaruskich i zamiežnych ŚMI. Ź niekatorymi žurnalistami jon razmaŭlaje pa paŭhadziny.
17 kastryčnika 2014 hodzie byŭ ustalavany jaho papiaredni rekord: pres-kanfierencyja dla rasijskich ŚMI doŭžyłasia 5 hadzin 30 chvilin. Poŭnuju aŭdyjoviersiju možna prasłuchać tut. Raniejšym rekordam byli 4 hadziny 46 chvilin.
***
Samymi doŭhimi ŭ śviecie pramovami viadomy eks-kiraŭnik Kuby Fidel Kastra. Pa źviestkach Reuters, najdolej la mikrafona jon byŭ na Trecim źjeździe kubinskaj kampartyi ŭ 1986 hodzie — 7 hadzin 10 chvilin. Praŭda, pa źviestkach Suba-vision pramova doŭžyłasia naohuł 27 hadzin.
U knihu rekordaŭ Hines za samuju doŭhuju pramovu trapiŭ u 2014 hodzie śviatar z Fłarydy Pičes Siermon. Jon byŭ la mikrafona 53 hadziny i 11 chvilin.
Čytajcie taksama: Repartaž ad Źmitra Pankaŭca z Pałaca Niezaležnaści