U Maskvie dvoje padletkaŭ adurmanili narkotykam i zhvałcili 12-hadovuju školnicu
Maładyja ludzi zaprasili 12-hadovuju školnicu na viečarynku, dali joj dozu hašyšu, paśla jakoj dziaŭčynka straciła nad saboj kantrol. Zatym padletki ździejśnili zhvałtavańnie, paviedamlaje BiełTA.
Pavodle paciarpiełaj, jana nie pamiataje, što adbyłosia. Tolki adznačaje, što kali pračnułasia, to była hołaja. Maci dziaŭčynki adviała jaje ŭ toj ža dzień na ekśpiertyzu, vyniki jakoj pakazali, što školnica padvierhnułasia zhvałtavańniu.
Padletkam pahražaje kryminalnaje pakarańnie. Užo sankcyjanavany ich aryšt na dva miesiacy.
Bolš za toje, pavodle maci školnicy, hvałtaŭniki prychodzili da jaje dadomu, kali daviedalisia, što jana źviartałasia ŭ palicyju, i pahražali raspravaj, patrabujučy, zabrać zajavu.
Tym časam, baćki padletkaŭ pierakananyja, što «raspusnaja» školnica sama spakusiła ich synoŭ,
a pakolki tyja byli ŭ stanie narkatyčnaha apjanieńnia, to nie razumieli, što robiać.
