Mužčyny durniejšyja za žančyn, dakazali arhanizatary premii Darvina
Daśledčyki vyvučyli dadzienyja pra łaŭreataŭ premii Darvina, jakuju ŭručajuć ludziam, pamierłym samym niedarečnym sposabam, i vyśvietlili, što mužčyn siarod finalistaŭ było značna bolš, čym žančyn, piša The Daily Mail.
Navukoŭcy praanalizavali źviestki ab naminantach premii za 20 hadoŭ, pačynajučy z 1995 i da 2014. Vyniki apublikavanyja ŭ British Medical Journal.
Akazałasia, što ŭznaharodu prykładna ŭ 90% vypadkaŭ prysudžali mužčynam. Tak, da prykładu, ź liku niezajzdrosnych «pieramožcaŭ» — 318 byli mužčynskaha połu, a žanočaha ŭsiaho tolki 36.
«Jak ni dziŭna, u 90% vypadkaŭ pa niedarečnaj vypadkovaści hinuć mienavita pradstaŭniki mocnaha połu», — skazali arhanizatary antypremii.
U liku łaŭreataŭ zusim nie prestyžnaj, a chutčej, «cyničnaj cyrymonii» — teraryst, jaki padarvaŭsia na svajoj bombie paśla taho, jak jamu viarnuli jaho pasyłku z vybuchoŭkaj z-za niedastatkovaj kolkaści marak.
Jak adznačyli aŭtary artykuła, siarod mužčyn «vyžyvaje na adnaho idyjota mienš». Ekśpierty tłumačać, što pad «idyjatyzmam» majuć na ŭvazie biessensoŭnuju ryzyku, kali asabistaja vyhada ad ułasnych dziejańniaŭ albo mizernaja, albo zusim adsutničaje, pry hetym vynik akazvajecca absalutna niehatyŭnym abo fatalnym.
