Tryvožnaje skaračeńnie zołatavalutnych reziervaŭ: za listapad na $203 młn
Zołatavalutnyja reziervy Biełarusi ŭ adpaviednaści ź mietadałohijaj Mižnarodnaha valutnaha fondu skaracilisia za listapad na $202,9 młn i, pavodle papiarednich źviestak, na 1 śniežnia skłali $5 młrd 821 młn.
Pra heta śviedčyć statystyka Nacbanka.
Heta tryvožnyja fakty. Jany śviedčać na deficyt biahučaha rachunku va ŭmovach, kali kraina atrymała sioleta rasijskija kredyty, dyj ekanamičnaja kanjunktura spryjalnaja, bo biełaruskaja sielhaspradukcyja kamfortna zaniała miesca ŭkrainskaj, litoŭskaj i jeŭrapiejskaj na rasijskim rynku paśla ŭviedzienych Rasijaj sankcyj.
Zachavańnie deficytu biahučaha rachunku aznačaje niepaźbiežnaść devalvacyi rubla — sioleta ci ŭ 2015, ci 2016 hodzie. Adciahnuć jaje moža novy vialiki zamiežny kredyt. Pavieličeńnie rasijskaj «naftavaj subsidyi» z 2015 hoda źmiakčyć situacyju, ale nie ŭraŭnavažyć jaje da kanca.
