Na Urale miedsiastra zrabiła foty na fonie razrezanaha pacyjenta ŭ apieracyjnaj
U Nižnim Tahile miedsiastra stała hierainiaj skandału i naklikała na siabie hnieŭ hramadskaści paśla taho, jak raźmiaściła ŭ sacsietkach sełfi, zroblenaje padčas apieracyi na fonie razrezanaha pacyjenta.
Miedyki aburanyja takimi nieadekvatnymi pavodzinami maładoj supracoŭnicy, jakaja na zdymku da ŭsiaho inšaha uśmichajecca.
Jak tolki razhareŭsia skandał, dziaŭčyna vydaliła bluźnierski zdymak. Pravavuju acenku aburalnym dziejańniam miedsiostry daść prakuratura, kudy ŭžo źviarnulisia supracoŭniki Ministerstva achovy zdaroŭja, adznačyŭšy, što heta pieršy padobny vypadak u rehijonie.
Ciapier aŭtar žudasnaha sełfi pracuje ŭ pryvatnaj klinicy, ale zdymak byŭ zrobleny jašče tady, kali dziaŭčyna pracavała ŭ dziaržaŭnaj miedustanovie.
Heta nie pieršy vypadak, kali lekary abo miedsiostry dzielacca šakavalnymi zdymkami svaich pracoŭnych budniaŭ u sacsietkach. Raniej adna z supracoŭnic CRB Kałomny była zvolnienaja za raźmiaščeńnie ŭ internecie fota aholenaha pacyjenta, jakoha rychtavali da terminovaj apieracyi. «Adznačyłasia» niadaŭna i studentka miedycynskich VNU ŭ Kazani. Jana raźmiaściła ŭ Instagram svaje fatahrafii, na jakich trymaje čałaviečyja orhany ŭ rukach, znachodziačysia pry hetym u apieracyjnaj.
