Łukašenka daručyŭ dapracavać prajekt dekreta ab uzmacnieńni patrabavańniaŭ da kirujučych kadraŭ i rabotnikaŭ arhanizacyj
U Biełarusi razam z uzmacnieńniem patrabavalnaści da kiraŭnikoŭ im pradastaviać dadatkovyja pravy ŭ adnosinach da padnačalenych.
Na heta źviarnuŭ uvahu Alaksandr Łukašenka.
Kiraŭnik dziaržavy adznačyŭ, što ŭžo nie pieršy raz źviartajecca da pytańnia padrychtoŭki narmatyŭna-pravavoha akta ab uzmacnieńni adkaznaści, patrabavalnaści da kirujučych kadraŭ.
«Vykanalnickaja dyscyplina ŭ nas znachozicca na vielmi nizkim uzroŭni — prytym pa ŭsich artykułach i na ŭsich pavierchach ułady».
«Dvojčy ŭ mianie na stale znachodziŭsia prajekt dakumienta pa hetym pytańni, i dvojčy my adchilali jaho. Apošni raz my bačyli: tak, z kirujučych kadraŭ my patrabujem, i pavinny patrabavać u hetych umovach. Ale taksama my kanstatavali: pierš čym patrabavać z kiraŭnika, jamu treba, dakładna akreśliŭšy pravy, dabavić ułady, — skazaŭ Alaksandr Łukašenka. — Inakš atrymajecca, što my hałovy budziem znosić kiraŭnikam, a kiraŭniki nie zmohuć jak naležyć patrabavać sa svaich padnačalenych. I ŭ vyniku ničoha nie atrymajecca. Tamu z kiraŭnika pavinna być patrabavańnie, adnaznačnaje, samaje strohaje, ale i treba pradastavić jamu adpaviednyja pravy, kab moh patrabavać vykanańnia ŭsich pryniatych im rašeńniaŭ».
U čas abmierkavańnia prajekta dekreta kiraŭnik dziaržavy zapatrabavaŭ ad udzielnikaŭ narady adkazaŭ na šerah pytańniaŭ. U pryvatnaści, jakuju adkaznaść paniasie kiraŭnik u vypadku niadobrasumlennaha vykanańnia svaich słužbovych abaviazkaŭ, ci praduhledžany strohija miery pa niedapuščeńni da kiraŭnickaj dziejnaści ŭ bližejšaj i doŭhaterminovaj pierśpiektyvach tych, chto zvolnieny za pravały ŭ rabocie.
Alaksandr Łukašenka pacikaviŭsia: «Pavyšajučy patrabavańnie z kožnaha kiraŭnika, ci ŭ dastatkovaj miery my nadzialajem jaho ryčahami ŭździejańnia na kalektyŭ i dadatkovymi pravami ŭ adnosinach da svaich padnačalenych?»
«Dla kiraŭnikoŭ hałoŭnaja adkaznaść — heta zvalnieńnie z raboty. Usie hetyja štrafy i jašče štości — my prosta razzłujom ludziej, i ŭsio heta biez tołku, efiektu nie budzie mieć. Razmova idzie ab tym, kali kiraŭnik nie ciahnie abo praviniŭsia. Praviniŭsia — ja nie kažu, što dapuściŭ pamyłku, abo jašče niejkija pryčyny. Kiraŭnik, zajmajučy pasadu, cudoŭna viedaje, što možna rabić, a što nielha. I kali jon parušyŭ hety paradak, čaho jaho trymać na pasadzie — jaho treba zvalniać. Kali jon učyniŭ pravaparušeńnie, jakoje padpadaje pad artykuł Administracyjnaha abo, jašče horš, Kryminalnaha kodeksa — jon pa hetym artykule i budzie adkazvać», — padkreśliŭ kiraŭnik dziaržavy.
Jon taksama zadaŭ pytańnie, nakolki dakumient budzie spraviadlivym, kab kožny, chto praštrafiŭsia, razumieŭ, za što pryciahnuty da adkaznaści. I hałoŭnaje — ci daść mahčymaść dekret vykaranić kruhavuju paruku i prymianiać na praktycy pryncyp strohaj piersanalnaj adkaznaści, nie dapuskać utojvańnia takich niehatyŭnych źjaŭ, jak pierasadžvańnie pravinavačanych z adnaho «ciopłaha» miesca na inšaje, kumaŭstvo, błat pry vyrašeńni kadravych pytańniaŭ?
Łukašenka zapatrabavaŭ abjektyŭnaj acenki pradstaŭlenaha dakumienta. Jon pieraściaroh: «Nie daj boh, my sparodzim niejkuju novuju instrukcyju ź pieralikam artykułaŭ, štrafaŭ». I padkreśliŭ, što dakumient pavinien być cełasnym, zrazumiełym i adnaznačnym.
U čas narady adbyłosia abmierkavańnie roznych aśpiektaŭ novaha dakumienta. Kiraŭnik Biełarusi daručyŭ jaho dapracavać z ulikam ahučanych prapanoŭ z tym, kab z pačatku budučaha hoda dekret ustupiŭ u siłu.
