«Drazdy» ŭščylniajucca
Elitny katedžny pasiołak u staličnym rajonie Viaśninka ŭjaŭlaje saboj niekalki dziasiatkaŭ damoŭ kala vadaschovišča Drazdy. Prajekt zabudovy byŭ pryniaty niahledziačy na niazhodu miascovych žycharoŭ, aharody jakich addali pad budaŭnictva katedžaŭ dla namienkłatury.
Haradskija ŭłady «narezali» bolš za 40 novych učastkaŭ, usie jany ŭžo atrymali svaich haspadaroŭ (hladzi śpis). Adnak i hetaha akazałasia mała — zabudoŭvać pačynajuć užo i tuju prastoru, jakaja na płanie paznačanaja jak zona adpačynku.
Na stendach, jakija vystaŭlalisia na hramadskaje abmierkavańnie, paŭdniovy bok vulicy Vierbnaj byŭ zamalavany drevami. Pavodle apornaha płana, uščylnuju da vulicy padychodziŭ učastak pad stvareńnie fizkulturna-azdaraŭlenčaha kompleksu.
U realnaści ž pačałosia budaŭnictva nastupnaha katedža. Jak stała viadoma «NN», jahony haspadar — Alaksandr Rakaviec. Minharvykankam vydzieliŭ 15 sotak ziamli rašeńniem №1373/1 ad 29 maja 2014 hoda.
Alaksandr Rakaviec — asoba, dobra viadomaja ŭ bankaŭskich kołach. Jon uznačalvaje bank «Maskva-Minsk». Hetaja finansavaja arhanizacyja niadaŭna źmianiła ŭłaśnika. Nacbank i Kiraŭnictva spravaŭ prezidenta vykupili aktyŭ u rasijskaha banka «VTB» za $55,7 miljona, što vyviedzie jaho z-pad jeŭrapiejskich sankcyj.
Rakaviec uznačaliŭ bank «Maskva-Minsk» 14 hadoŭ tamu, a da taho pracavaŭ u inšych finansavych strukturach. U siaredzinie 1990-ch Rakaviec byŭ staršynioj praŭleńnia banka «Sadružnaść», a jahonym namieśnikam pracavaŭ Siarhiej Rumas. Pierasiakalisia jany i ŭ banku «Paŭnočny Zachad».
Pakul što Rakaviec z padmurkam svajho katedža absalutna adzinoki — pobač ź im nie budujecca nichto. Ale pa raźmiaščeńni doma, jaki vyhladaje jak krajni na vulicy, možna mierkavać, što kala jaho mohuć źjavicca i susiedzi.
Chto žyvie ŭ Viaśnincy?
U Viaśnincy razdali ziamlu bolš čym 40 asobam, pieradusim čynoŭnikam — tym, jakija nie atrymoŭvali ŭčastkaŭ u Drazdach raniej, na inšych vulicach, što byli zabudavanyja ŭ 2000-ch. Voś chto trapiŭ u ščaślivy śpis.
Ahiejeŭ Alaksandr — u svoj čas ministr enierhietyki
Azaranka Viktoryja — tenisistka
Alšeŭski Viktar — mastak
Andrejčanka Uładzimir — staršynia pałaty pradstaŭnikoŭ
AnfimaŭLeanid — staršynia Dziaržkantrolu
BaroŭskiAlaksandr — u svoj čas kiraŭnik «Biełnaftachima»
Bułyhin Siarhiej — pieršy namieśnik kiraŭnika fiederacyi bijatłona
VakulčykValeryj — staršynia KDB
VaščankaUładzimir — ministr pa nadzvyčajnych situacyjach
Hryšyn Alaksiej — frystajlist, alimpijski čempijon
HusaraŭAnatol — hienieralny dyrektar «Biełavija»
Davydźka Hienadź — staršynia Biełteleradyjokampanii
Žylin Ihar — u svoj čas kiraŭnik «Biełnaftachima»
ZinoŭskiUładzimir — kiraŭnik Biełstata
Jermakova Nadzieja — staršynia Nacbanka
ZajcaŭVadzim — u svoj čas staršynia KDB
Zinkievič Uładzimir —mastak
Ivanoŭ Valeryj — u svoj čas vice-premjer
Kazijatka Juryj — kiraŭnikStaličnaha telebačańnia
Kaniuk Alaksandr — hienieralny prakuror
KulašoŭAnatol — u svoj čas ministr unutranych spraŭ
Kušnir Anton– frystajlist, alimpijski čempijon
Ładućka Mikałaj — u svoj čas staršynia Minharvykankama
Maskievič Siarhiej — ministr adukacyi
MatusievičMichaił — u svoj čas vice-śpikier savieta respubliki
Mickievič Valeryj — namieśnik kiraŭnika Administracyi prezidenta
Rapota Hryhoryj — dziaržaŭny sakratar sajuznaj dziaržavy, hramadzianin Rasii
Račkoŭski Ihar — u svoj čas staršynia Dziaržaŭnaha pamiežnaha kamiteta
Rumas Siarhiej — u svoj čas vice-premjer
Rumo Aleh — doktar
Rusy Michaił — u svoj čas vice-premjer
Rusiecki Anatol — u svoj čas kiraŭnik Nacyjanalnaj akademii navuk
Uciuryn Andrej — namieśnik dziaržaŭnaha sakratara Rady biaśpieki
Fiedarcoŭ Alaksandr — pieršy namieśnik staršyni Viarchoŭnaha suda
Charkaviec Andrej — u svoj čas ministr finansaŭ
Ciacieryn Siarhiej — tenisny trenier
Šajeŭ Valancin — staršynia Śledčaha kamiteta
Šakucin Alaksandr — biznesmien
Švied Andrej — staršynia Dziaržaŭnaha kamiteta sudovych ekśpiertyz
Šunievič Ihar — ministr unutranych spraŭ
Ščotkina Marjana — ministr pracy i sacyjalnaha zabieśpiačeńnia
Jakabson Alaksandr — u svoj čas kiraŭnik Dziaržkantrolu
Jarmolenka Anatol — śpiavak.
