Sud ZŠA aštrafavaŭ Apple za darahija knihi
Sud Manchetana abaviazaŭ kampaniju Apple vypłacić kampiensacyju ŭ pamiery 450 młn dalaraŭ za cenavuju zmovu z vydaŭcami elektronnych knih, pieradaje Reuters.
Zhodna z rašeńniem suda, «kupiertyncy» musiać vypłacić kampiensacyi 23 miljonam karystalnikaŭ na ahulnuju sumu 400 młn dalaraŭ i kampiensacyju advakatam u pamiery 50 młn dalaraŭ. Jašče 166 młn dalaraŭ kampiensacyj vypłaciać vydaŭcy elektronnych knih.
Praz zmovu Apple z vydaŭcami ceny na elektronnyja knihi byli zavyšanyja ŭ siarednim na 2—3 dalary.
Rasśledavańnie pačałosia ŭ 2012 hodzie, advakaty i prakurory 33 štataŭ patrabavali kampiensacyju ŭ 840 młn dalaraŭ. Kampaniju Apple abvinavačvali ŭ cenavaj zmovie z najbujniešymi vydaŭcami elektronnych knih u ZŠA (Hachette Book Group, HarperCollins Publishers, Penguin Group, Simon&Schuster i Macmillan) napiaredadni vypusku płanšetaŭ iPad.
