Pieršyja žančyny adabranyja dla škoły rejndžeraŭ armii ZŠA
Žančyny i dziaŭčaty — aficery i padaficery amierykanskaj armii — upieršyniu zmohuć pačać kurs padrychtoŭki ŭ elitnyja častki lohkaj piachoty suchaputnych vojskaŭ ZŠA.
Pra heta piša washingtonpost.com.
75-y połk rejndžeraŭ — specyjalnaje farmavańnie, jakoje składajecca z 4 bataljonaŭ, u jakich słužać prykładna 2 200 bajcoŭ. Jany pravodziać raźviedvalnyja, dyviersijnyja, šturmavyja i vyratavalnyja apieracyi, majuć parašutnuju padrychtoŭku.
U 2013 hodzie Pientahon vyrašyŭ maksimalna skaracić kolkaść pazicyj, jakija dahetul byli zakrytyja dla žančyn. Vajskovyja struktury musiać pravieści śpiecyjalnyja daśledavańni, kab dakazać, čamu taja ci inšaja funkcyja nie moža być vykananaja «słabym połam».
11 adabranych aficeraŭ i 20 padaficeraŭ prachodziać specyjalnuju tydniovuju prahramu vyprabavańniaŭ, jakaja pakazvaje im, što ich čakaje ŭ škole rejndžeraŭ.
Kandydatki na słužbu ŭ rejndžerach.
Całkam kurs padrychtoŭki rejndžera raźličany na 62 dni i ŭklučaje ciažkija treniroŭki ŭ hornaj i bałocistaj miascovaści, a taksama ŭ džunhlach.
«Ja byŭ vielmi zadavoleny jakaściu i kolkaściu dabraachvotnicaŭ. Ichnyja pakazčyki i prafesijanalizm byli niezvyčajnymi», - adznačyŭ hienierał-major Skot Miler, kamandujučy centram padrychtoŭki ŭ Forcie Beninh.
