Apple ŭzdymie svaje ceny ŭ Rasii z 1 śniežnia
Užo 1 śniežnia hetaha hoda kampanija Apple moža pierahledzieć zakupačnyja rublovyja ceny na svaje hadžety ŭ bok značnaha pavieličeńnia.
Pra heta ŭ piatnicu, 21 listapada, piša hazieta «Viedomosti» sa spasyłkaj na ŭłasnyja krynicy siarod partnioraŭ amierykanskaj kampanii.
Krynicy «Viedomostiej» nie skazali, na kolki patencyjna mohuć vyraści ceny na hadžety Apple u Rasii z-za valutnych pieralikaŭ. Ale, jak paviedamlajuć krynicy, što havorka moža iści pra rost prykładna na čatyry-piać tysiač rasijskich rubloŭ (932 tys. — 1 młn. 162 tys. biełaruskich).
Pavodle haziety, kampanija Apple užo paviedamiła svaim rasijskim dystrybjutaram pra rost zakupačnych cenaŭ na ajfony apošniaj sieryi z nastupnaha miesiaca.
Z-za značnaha rostu kursu dalara i jeŭra za apošnija miesiacy — amal na tracinu — zakuplenyja raniej hadžety Apple na rasijskaj rynku akazalisia ŭ valutnym ekvivalencie adnymi z samych tannych u śviecie i supastaŭnymi pa canie, naprykład, u dalarach z amierykanskim rynkam. Da devalvacyi rubla rasijski rynak, naadvarot, tradycyjna charaktaryzavaŭsia vysokimi cenami na hetuju pradukcyju.
Na aficyjnym sajcie Apple zaraz cana za ajfon apošniaj madeli, pradstaŭlenaj u vieraśni 2014 hoda, — ad 31 999 rubloŭ. Pa biahučym kursie CB, heta — $685.