Tozik prapanavaŭ zabaranić prodaž enierhietykaŭ padletkam
Prodaž enierhietyčnych napojaŭ padletkam varta zabaranić. Pra heta zajaviŭ namieśnik premjer-ministra Anatol Tozik siońnia na pasiadžeńni Mižviedamasnaha savieta pa praduchileńni i prafiłaktycy pjanstva, ałkahalizmu, narkamanii i spažyvańni tytuniu.
Na dumku vice-premjera, nieabchodna svoječasova pryniać miery, kab papiaredzić šyrokaje raspaŭsiudžvańnie i masavaje ŭžyvańnie enierhietykaŭ i ich anałahaŭ, jakija niasuć škodu arhanizmu padletkaŭ, moładzi i hramadstvu ŭ cełym.
Namieśnik ministra adukacyi Viktar Jakžyk adznačyŭ, što ŭ maładziožnym asiarodździ ŭsio bolš papularnymi stanoviacca tak zvanyja marafony — niaspynnaje viasielle na praciahu niekalkich dzion z naviedvańniem baraŭ, kłubaŭ i h.d. «Maładyja ludzi napampoŭvajuć siabie enierhietykami, nie razumiejučy, što škodziać svajmu zdaroŭju, — skazaŭ jon. — Bolš za toje, jak pakazali apytańni tych, chto ŭžyvaŭ spajs, kožny druhi ź ich piŭ i enierhietyčnyja napoi. Heta jašče adna nahoda zadumacca ab zhubnaści prychilnaści da enierhietykam».
