Jajki suprać hrošaj: sajt 1863x.com paraŭnaŭ Šablinskaha ź Zisieram i Bliščom. Za Achłabyścina
Sajt 1863x.com raskrytykavaŭ tłumačeńnie Uładzimiram Šablinskim arhanizacyi ŭ Biełarusi tvorčych viečaroŭ rasijskaha akciora-šavinista Ivana Achłabyścina nieabchodnaściu vykanańnia raniej uziatych zabaviazańniaŭ.
Šablinski, nahadajem, raskazaŭ, što kantrakt na arhanizacyju hetaha i papiarednich vystupaŭ Achłabyścina byŭ padpisany daŭno, kali «nie było ni vajny pamiž Ukrainaj i Rasijaj, ni hramadzianin Achłabyścin nie byŭ zaŭvažany ŭ napisańni rezkich tekstaŭ va ŭłasnych akaŭntach. Razryvać kantrakt na padstavie taho, što vykanaŭca napisaŭ niešta, mahčyma, nierazumnaje ŭ siabie ŭ tvitary — nie padstava».
«Narmalnaj reakcyjaj na takija pavodziny Šablinskaha byŭ by bajkot jaho mierapryjemstvaŭ, — piša 1863x.com. — Na žal, Uładzimir, demakratyja, za jakuju vy tak vystupajecie (dajučy mahčymaść vystupać Achłabyścinu), maje na ŭvazie sumlennuju rynkavuju ekanomiku. U narmalnaj krainie ja zmoh by spakojna admovicca ad vašych pasłuh, i naviedvać kancerty inšych arhanizataraŭ. Ale ŭ Biełarusi vy źjaŭlajeciesia ledź nie adzinaj pryjemnaj addušynaj sa svaimi mierapryjemstvami i fiestyvalami.
Demakratyja nie vartaja i vyjedzienaha jajka, kali za jaje nie płaciać achviarami. Svaboda zaŭsiody zabiaśpiečvajecca pracaj, potym i kryvioju z boku hramadzianskaj supolnaści.
Kali vy nie hatovyja skasavać kantrakt z Achłabyścinym i stracić hrošy, tady nie nyjcie, kali ŭ vas zabiaruć biźnies abo buduć patrabavać chabaru. Abo kali rasijskija vojski zojmuć vaš chutar u jakaści ahniavoj pazicyi praz paru hadoŭ.
Nie varta maskiravać niežadańnie tryvać straty z fantomnaj «pryncypovaściu» u dadzienym vypadku», — piša aŭtar.
Pazicyja Šablinskaha ŭ artykule paraŭnoŭvajecca z pazicyjaj Juryja Zisiera i Dzianisa Blišča, jakija vyznačajuć pazicyi papularnych partałaŭ Tut.by i Onliner.by.
Aŭtar krytyki ananimny.
