Łukašenka daŭ «eks-Kiempinskamu» jašče hod
Budaŭnictva šmatfunkcyjanalnaha kompleksu z elitnym hatelem kala cyrka ŭ Minsku pradoŭžana da kanca 2015 hoda.
Adpaviedny ŭkaz № 517 Alaksandr Łukašenka padpisaŭ 12 listapada. Im unosiacca źmieny i dapaŭnieńni va ŭkaz ad 11 maja 2010 h. № 243, jaki davaŭ start pačatku budaŭnictva abjekta ŭ kvartale prasp. Niezaležnaści — vuł. Ja.Kupały — r. Śvisłač.
Z dakumienta taksama vydalena nazva haścinicy — «Kiempinski». Pieršapačatkova jana pavinna była być pabudavana da čempijanatu śvietu-2014 pa chakiei. Zaraz u ŭkazie fihuruje bieznazoŭny hatel.
Niekalki miesiacaŭ tamu mižnarodny hatelny brend Kempinski razasłaŭ list z svajho centralnaha ofisa, paviedamiŭšy, što «jany nie buduć kiravać hatelem» u Minsku. Chacia jašče viasnoj i ŭ pačatku leta kampanija «Kiej Em Łakšery Choteł/Kiempinski Płaza Minsk» nabirała supracoŭnikaŭ. Ale, jak paviedamiŭ adzin z udzielnikaŭ hetaha pracesu, u lipieni pradstaŭniki kampanii «zamarozili» padbor piersanału.
Zakazčykam budaŭnictva hetaha šmatfunkcyjanalnaha kompleksu ŭ Minsku źjaŭlajecca kampanija «Elit Estejt». Heta daččynaje pradpryjemstva hrupy kampanij «Trajpł» biełaruskaha aliharcha Juryja Čyža.
