Kryvavaja sieča ŭ Danieckim aeraporcie, zahinuŭ najmałodšy z «kibarhaŭ» FOTA
Na praciahu dnia adbyłosia 26 bajavych sutyknieńniaŭ sił ATA z terarystami, zahinuli troje ŭkrainskich vajskoŭcaŭ, paviedamlaje pres-centr ATA ŭ Facebook.
«Pačynajučy ad 10.15 u Danieckim aeraporcie praciahvajecca abstreł našych pazicyj sa strałkovaj zbroi i AHS. Ad 14.30 bajeviki ŭžyvajuć 100-milimietrovyja supraćtankavyja harmaty MT-12 «Rapira», viaduć prycelny ahoń pa siłach ATA. Ahniom u adkaz my źniščajem ahniavyja punkty bajevikoŭ.
U bai hieraična zahinuŭ voin-desantnik Mikałajeŭskaj bryhady», — havorycca ŭ paviedamleńni.
«Zahinuŭ siońnia adzin z abaroncaŭ aeraporta, «Sievier», 18 hadoŭ. Niadaŭna jaho fotazdymak ablacieŭ usie ŚMI i sacsietki, a ciapier jaho nie stała», — pišuć na ŭkrainskich staronkach ŭ Facebook.
U toj ža čas, pradstaŭnik Infarmacyjna-analityčnaha centra SNBA Andrej Łysienka, paviedamlaje, što z abodvuch bakoŭ prymianiajucca minamiotna-artyleryjskija srodki.
Składanaja situacyja nazirajecca ŭ rajonie nasielenaha punkta Nikišyna i niedaloka ad trasy na Bachmutku. Tam bajeviki nieadnarazova abstralali ŭkrainskija pazicyi, u tym liku pantonna-mastavuju pierapravu praź Sievierski Daniec.
«Za dzień u 26 ahniavych sutyknieńniach z bajevikami paciarpieli siamiora ŭkrainskich vajskoŭcaŭ, troje ź ich atrymali śmiarotnyja ranieńni», — adznačaje pres-centr ATA.