Vystava sakretaŭ žanočaj dahledžanaści
Minski Futbolny maniež sieńnia — badaj, adzinaje miesca, dzie adnačasova možna ŭbačyć stolki pryhožych i dahledžanych dziaŭčat i žančyn.
XIII Mižnarodnaja śpiecyjalizavanaja vystava industryi pryhažości i zdaroŭja «Interstyl-2014», jakaja adkryłasia 6 listapada, prapanuje pieriedavyja mietodyki i srodki dahladu za ciełam, skuraj, vałasami, paznohciami.
U ramkach vystavy prochodzić VII Mižnarodny fiestyval pryhažości «Ruža viatroŭ Hair'2014» i kubak Minska pa cyrulnickim mastactvie.
Dla ŭdziełu zarehistravalisia 450 majstroŭ-cyrulnikaŭ. Majstry cyrulniaŭ, masaža i manikiura pravodziać majstar-kłasy i demanstrujuć palet svaich fantazij bolš jak u 30 naminacyjach dla darosłych i junijoraŭ. Siarod novych naminacyj — mužčynskaja i žanočaja sučasnaja stryžka z układkaj, heta značyć toje, što majstar moža prapanavać na pracoŭnym miescy ŭ sałonie svajmu klijentu.
Na tym ža fiestyvali 19 naminacyj tolki ŭ paznohcievym servisie. Pryčym jany absalutna roznyja — techničnyja, pa dyzajnie, rośpis, lepka, madelavańnie paznohciaŭ.
Čas pracy vystavy: 6 i 7 listapada z 10.00 da 18.00, 8 listapada z 10.00 da 14.00.
