Užo 12 listapada raspačnie pracu moŭny kłub «MovaTUT». Dałučajciesia!
Biełaruski partał TUT.BY, Halereja TUT.BY i Biełaruski dziaržaŭny ŭniviersitet abviaščajuć ab starcie pracy moŭnaha kłuba «MovaTUT». Jon zaklikany stać prastoraju dla svabodnaj kamunikacyi pa-biełarusku, niezaležna ad uzroŭnia vałodańnia movaju na momant dałučeńnia. Usia kamunikacyja budzie zasnavanaja na mastactvie.
U praciah prezientacyi vystavy Adama Hłobusa «Minsk - Vilnia: mastacki maršrut Adama Hłobusa» usie achvotnyja zmohuć abmierkavać tvory mastaka, zadać jamu pytańni i atrymać moŭnyja viedy ad vykładčyka fiłałahičnaha fakulteta BDU.
Kancepcyja vyvučeńnia movy ŭ kłubie «MovaTUT» palahaje na zasvajeńni słoŭnaha masiva praz tvory mastactva, jaho praktyčnaha zasvajeńnia praz kamunikacyju z adnakłubnikami, mastakami, piśmieńnikami, historykami i, kaniešnie ž, vykładčykami najstarejšaha ŭniviersiteta krainy.
Sustrečy ŭdzielnikaŭ «MovaTUT» buduć adbyvacca raz na dva tydni na placoŭcy Halerei TUT.BY pa adrasie praśpiekt Dziaržynskaha, 57, 9 pavierch.
Pieršaja — 12 listapada, u sieradu a 19-j hadzinie.
Uziać udzieł moža kožny achvotny. Bolš za toje, baćki mohuć prychodzić u «MovaTUT» ź dzietkami. Pakul starejšyja buduć vučyć movu praz mastactva, dzietki zmohuć pahladzieć multfilmy, pierakładzienyja na biełaruskuju.
Dla taho, kab była mahčymaść acanić prykładnuju kolkaść udzielnikaŭ, prosim achvotnych dasyłać zajaŭki na adras [email protected]. U liście, kali łaska, paznačajcie pra namier pryjści ź dziciom.
Achvočyja stać vałanciorami kłuba taksama mohuć zajavić pra svajo žadańnie praz paznačany vyšej elektronny adras.
