Troje «apałčencaŭ Danbasa» rasstralali dvaich DAIšnikaŭ pad Maskvoj
Troje padazravanych u zabojstvie inśpiektaraŭ darožna-pastavoj słužby ŭ Padmaskoŭi vajavali na baku apałčencaŭ narodnych respublik Danbasa. Pra heta ŭ intervju radyjostancyi «Hovorit Moskva» paviedamiŭ kamandzir bataljona bajevikoŭ «Pryvid» Alaksiej Mazhavoj.
«Hetyja try piersanažy słužyli ŭ nas, kali my jašče byli ŭ Lisičansku. Adnaho ź ich ja dobra viedaju — pazyŭny «Miadźviedź», snajpier naš», — pryznaŭ Mazhavoj.
Pavodle jahonych słovaŭ, maładyja ludzi pakinuli bataljon, nie vytrymaŭšy strohaj dyscypliny.
Pa padazreńni ŭ zabojstvie byli abvieščanyja ŭ vyšuk 35-hadovy rasijanin Michaił Kanstancinaŭ i dvoje hramadzian Ukrainy — 26-hadovy Dzianis Kanstancinaŭ i 28-hadovy Dzianis Žukaŭ.
U noč na 3 listapada dvuch supracoŭnikaŭ DPS rasstralali padčas afarmleńnia pratakołu ŭ Padmaskoŭi. Na miescy zdareńnia znojdzieny 17 hilzaŭ i 5 kul ad pistaleta Makarava, paviedamlajuć rasijskija ŚMI.
