Pamior dziejač biełaruskaj emihracyi Michaś Bielamuk
U amierykanskim Kliŭlendzie 31 kastryčnika pamior biełaruski dziejač Michaś Bielamuk. Jon pražyŭ 90 hadoŭ.
Michaś Bielamuk naradziŭsia 15 sakavika 1924 h. u v. Hola (siońnia heta Kamianiecki rajon Bresckaj vobłaści). Ad leta 1944 h. — na emihracyi.
Niekatory čas žyŭ u biełaruskich łahierach dla pieramieščanych asob u Hiermanii, u 1949 h. emihravaŭ u ZŠA. Vučyŭsia na histaryčnym fakultecie ŭniviesitetu ŭ Kałambusie (Ahajo).
Staŭ adnym z arhanizataraŭ biełaruskaha žyćcia ŭ Kliŭlendzie, stvaralnikaŭ miascovaha adździeła Biełaruska-amierykanskaha zadzinočańnia. Ad 1954 byŭ staršyniom Zhurtavańnia biełaruskaj moładzi ŭ Kliŭlendzie.
Z 1991 h. — inicyjatar i vydaviec histaryčnaha časopisa «Połacak». Aŭtar šerahu publikacyj, u tym liku na histaryčnyja temy. Z 1993 h. — hanarovy siabra Instytuta historyi Akademii navuk Biełarusi. Vydaŭ uspaminy («Svajho losu nie minieš», Vilnia, 2006).
