Kaśmičny karabiel Virgin raźbiŭsia ŭ ZŠA padčas testu: adzin čałaviek zahinuŭ FOTA, VIDEA
Kaśmičny karabiel Virgin Galactic SpaceShipTwo raźbiŭsia padčas vyprabavalnaha palotu na bazie ŭ Kalifornii. Heta byŭ pieršy piłatavany palot karabla Virgin sa studzienia.
Adzin ź piłotaŭ zahinuŭ, druhi atrymaŭ traŭmy, jak paviedamiŭ darožny patrul kalifarnijskaj palicyi.
Kien Braŭn — fatohraf, jaki staŭ śviedkam katastrofy, — paviedamiŭ žurnalistam, što karabiel vybuchnuŭ paśla adździaleńnia ad samalota-nośbita (tak zvanaha samalota-avijamatki).
Pa zajavie kiraŭnikoŭ palotu, karabiel adčuŭ u chodzie palotu «surjoznuju anamaliju». Kadry, źniatyja ź viertalota, zafiksavali abłomki karabla z łahatypam kampanii ŭ pustyni.
Karabiel Virgin Galactic SpaceShipTwo padymajecca ŭ pavietra samalotam-nośbitam, a zatym adździalajecca i ŭklučaje ŭłasny rakietny ruchavik, jaki vyvodzić jaho pa parabaličnaj trajektoryi da vyšyni ŭ 100 km.
Samalot-avijamatka White Knight 2 biez prablem pryziamliŭsia na bližejšym aeradromie.
Karabiel rychtavaŭsia da pieršaha arbitalnaha palotu, jaki pavinien byŭ adbycca praź niekalki miesiacaŭ. Ź jaho pośpiecham kanstruktary źviazvali svaju maru pa stvareńni pieršaha kaśmičnaha turystyčnaha karabla.
Ser Čarlz Brensan (kiraŭnik kampanii Virgin) z madellu kaśmičnaha karabla, LA Times
Dla kampanii Virgin Galactic heta stanie bujnoj niaŭdačaj. Firma raźličvała stać pieršaj u novaj halinie kaśmičnaha turyzmu i mieła doŭhi śpis znakamitaściaŭ, jakija nabyli zahadzia kvitki na pieršyja paloty karabla.
SpaceShipTwo maje aryhinalnuju kanstrukcyju, niezvyčajny rakietny ruchavik, i jaho raspracoŭka zaniała hady. Niahledziačy na biaskoncyja zatrymki, kampanija zdoleła ŭsie hetyja hady padtrymlivać aptymizm siarod svaich inviestaraŭ i ŭ srodkach infarmacyi.
Devid Šukman, kiraŭnika adździeła navuki Bi-Bi-Si, adznačaje: «Ja braŭ intervju ŭ kiraŭnika kampanii sera Ryčarda Brensana ŭ tyja dni, kali było abvieščana pra pačatak prajekta, i jaho entuzijazm i rašučaść byli niepadrobnyja. Ale jaho abiacańni ździejśnić pieršy palot karabla da kanca hetaha hoda vyklikali sumnievy ŭžo na praciahu niekalkich miesiacaŭ.
Siońniašni incydent pryviadzie da novych zatrymak. Zavajova kosmasu — nialohkaja zadača, a pieratvareńnie kaśmičnych palotaŭ u rucinnuju spravu — jašče bolš składanaja reč».