Tallinn Music Week 2015 zaprašaje biełaruskich muzykaŭ i mieniedžaraŭ
Abvieščany pryjom zajavak ad muzykaŭ i delehataŭ na šoŭkiejs-fiestyval Tallinn Music Week 2015, jaki projdzie ŭ stalicy Estonii z 25 pa 28 sakavika. Papiaredniaje mierapryjemstva stała tramplinam dla biełaruskaha hurta Super Besse, jaki niadaŭna padpisaŭ kantrakt na vypusk alboma ŭ Vialikabrytanii.
Tallinn Music Week projdzie ŭ siomy raz. Heta samy bujny šoŭkiejs-fest u Uschodniaj Jeŭropie, a taksama samy bujny fiestyval krain Bałtyi i Skandynavii na krytych placoŭkach. U minułym hodzie na 34 scenach mierapryjemstva vystupiła 227 vykanaŭcaŭ z 21 krainy, ź ich 78 - nie z Estonii. Siarod ich Public Service Broadcasting (Vialikabrytanija), BRNS (Bielhija), Ballet School (Hiermanija) i mnohija inšyja.
– Padobnyja mierapryjemstvy raźličanyja z adnaho boku na prychilnikaŭ śviežaj muzyki, pakolki ŭ ich udzielničajuć zorki zaŭtrašniaha dnia. Ź inšaha – na muzykaŭ i ich mieniedžaraŭ. Siudy za novymi imionami pryjazdžajuć arhanizatary fiestyvalaŭ i supracoŭniki rekord-łejbłaŭ z usioj Jeŭropy i ZŠA, jakija hladziać kancerty, a taksama dzielacca vopytam u ramkach prachodzić paralelna kanfierencyi, – kaža Źmicier Biezkaravajny, kiraŭnik partała Experty.by, jaki vystupaje partnioram Tallinn Music Week ŭ Biełarusi.
U minułym hodzie Biełaruś była ŭpieršyniu šyroka pradstaŭlena na mierapryjemstvie. Hrupa «Pietla priestrastija» ŭ vyniku niekalki razoŭ paśla fiestyvalu viartałasia ŭ Estoniju z kancertami, a dla Super Besse źjaŭleńnie ŭ Talinie i zusim stała tramplinam.
– Na Tallinn Music Week nas ŭbačyŭ pradstaŭnik łatvijskaha łejbła I Love You Records. Jon zaprasiŭ nas u lipieni ŭ Łatviju na bujny fiestyval Positivus, dzie taksama hrali Kraftwerk, The Kooks, The Horrors, – raspaviadaje vakalist Super Besse Maksim Kulša. – Z takim pasłužnym śpisam i rekamiendacyjami nas uziali na šoŭkiejs-fiestyval Vilnius Music Week, dzie nas ŭbačyŭ anhielec Džon Robb i prapanavaŭ kantrakt sa svaim łejbłam Louderthanwar. Aproč hetaha pa suviaziach z Talina my potym jeździli ŭ Estoniju i Finlandyju. Tak što dla nas usio prajšło maksimalna karysna.
Udzieł u muzyčnaj prahramie Tallinn Music Week biaspłatny. Zajaŭki ad artystaŭ (pop, rok, elektronika, džaz, bluz, kłasika i inš. Styli) prymajucca da 1 śniežnia 2014 hoda. Taksama adkryta rehistracyja delehataŭ na kanfierencyju. Padrabiaznaści pa varyjantach ŭdziełu na sajcie Experty.by
Fota: Mart Sepp i Sten Tonissoo
