Parečankaŭ pra stralbu z kulamiota ŭ Daniecku: Patrony byli chałastymi
Rasijski akcior Michaił Parečankaŭ raspavioŭ, što kadry, na jakich jon stralaje z kulamiota ŭ aeraporcie Daniecka, byli pastanovačnymi, a patrony chałastymi.
U intervju TASS jon vykazaŭ ździŭleńnie tym, što «raździmajuć tak hetuju historyju».
Pa słovach Parečankava, u aeraporcie idzie pastajannaja stralba. Jon taksama patłumačyŭ, čamu na jaho hałavie apynułasia kaska z nadpisam «Presa». «Kasku ja nadzieŭ prosta dziela majoj biaśpieki. Inšaj, akramia jak z hetym nadpisam, pad rukoj nie akazałasia», — zaŭvažyŭ jon.
Akcior taksama prakamientavaŭ paviedamleńni ab tym, što jon nibyta celiŭsia ŭ bok ukrainskich siłavikoŭ. «Ni ŭ koha nie stralaŭ ni ŭ aeraporcie, ni jašče dzie b tam ni było ŭ chodzie svajho znachodžańnia na terytoryi DNR».
Miž tym na fota jasna vidać, što patrony nie chałastyja, a braniabojna-zapalnyja. Učynak Parečankava vyklikaŭ vialikaje abureńnie va Ukrainie, dzie ŭ vyniku kanfliktu zahinuła ŭžo kala 4000 čałaviek. Adzin z telekanałaŭ spyniŭ tranślacyju sieryjała ź jaho ŭdziełam. A ministr unutranych spraŭ zajaviŭ, što pa fakcie stralby pa ŭkrainskich vajskoŭcach budzie raspačataja kryminalnaja sprava.
Apytanka
