Pucin pra Krym: Miadźviedź ni ŭ koha dazvołu pytacca nie budzie
Prezident RF Uładzimir Pucin padkreśliŭ, što Rasija nie zhodnaja z pazicyjaj ab tym, što joj pavinna być nie dazvolena adstojvać svaje intaresy. Pra heta jon zajaviŭ na pasiadžeńni kłuba «Vałdaj», kamientujučy roźnicu ŭ padychodach da kosaŭskaha i krymskaha refierendumaŭ.
Rasijski lidar nahadaŭ pra kryłaty łacinski vyraz, sens jakoha ŭ tym, što jość rečy, jakija dazvolenyja adnym, ale zabaronienyja inšym: «Toje, što dazvolena Jupiteru, nie dazvolena byku». «My nie možam pahadzicca z takimi farmuloŭkami», — padkreśliŭ jon.
«Moža być, byku i nie dazvolena, ale chaču vam skazać, što miadźviedź ni ŭ koha dazvołu pytacca nie budzie», — dadaŭ Pucin. «Naohuł, jon, miadźviedź, ličycca ŭ nas haspadarom tajhi, i jon nie źbirajecca — i ja viedaju heta dakładna — niekudy pierajazdžać u inšyja klimatyčnyja zony, jamu tam niaŭtulna. Ale tajhi jon svajoj nikomu nie addaść, ja dumaju, što heta pavinna być zrazumieła».
Pucin adznačyŭ, što ŭ śviecie raniej była bipalarnaja sistema, pad jakuju pisalisia ŭsie praviły paśla Druhoj suśvietnaj vajny.
«Tak, Saviecki Sajuz nazyvali Vierchniaj Voltaj z rakietami. Tak! Moža być. Ale rakiet było… zavalisia. I byli takija jarkija palityčnyja dziejačy, jak Mikita Chruščoŭ, jaki tam, u AAN, botam stukaŭ. Nu i ŭsio ŭ śviecie, pierš za ŭsio ŭ Štatach, dumali: nu jaho na fih, hetaha Mikitu, voźmuć, dzieŭbanuć, rakiet u ich poŭna… Lepš stavicca da ich z pavahaj «, — adznačyŭ rasijski lidar. Ale kali SSSR nie stała, pačalisia «spakusy» nie ličycca z Rasijaj, jakaja prajšła transfarmacyju ŭ chodzie razvału Sajuza. Pucin nahadaŭ pra toje, što adbyvałasia ŭ Iraku, Livii, Afhanistanie, a da hetaha ŭ Juhasłavii. «Heta što, usio było ŭ ramkach mižnarodnaha prava ci što? Što vy nam kazki raskazvajecie?»
«Značyć, kamuści možna naohuł ni z čym nie ličycca, a nam abaraniać svaje kreŭnyja intaresy ruskamoŭnaha i ruskaha nasielnictva ŭ Krymie nielha? Tak nie budzie!» — dadaŭ prezident RF.
Pry hetym Pucin padkreśliŭ, što rašeńnie ab praviadzieńni refierendumu ŭ Krymie prymałasia lehitymnym parłamientam paŭvostrava. Rasijski lidar pierš za ŭsio nahadaŭ pra prapisanaje ŭ AAN pravie nacyj na samavyznačeńnie.
«U Krymie ludzi praviali refierendum. Bo tam nie prosta tak my ŭ Rasii zajavili pra toje, što prajšoŭ refierendum. Rašeńnie ab praviadzieńni refierendumu pryniaŭ absalutna lehitymny pradstaŭničy orhan ułady Kryma — parłamient Kryma, abrany, darečy kažučy, pa ŭkrainskim zakonie jašče niekalki hadoŭ tamu, da ŭsich hetych ciažkich padziej», — skazaŭ Pucin. «A potym na asnovie hetaha refierendumu (Krym), hetak ža jak i Kosava, pryniaŭ dekłaracyju ab niezaležnaści i źviarnuŭsia da Rasii z prośbaj pryniać u skład Rasijskaj dziaržavy», — zaŭvažyŭ jon.