Mierkiel: Sankcyi suprać Rasii pavinny być zachavanyja
Režym spynieńnia ahniu ŭ Danbasie nie vykonvajecca. Pa hetaj pryčynie ŭžo uviedzienyja sankcyi suprać Rasii pavinny być zachavanyja, zajaviła kancler Hiermanii Anhieła Mierkiel.
Pavodle jaje słoŭ, z pačatku pieramirja zahinuli niekalki sotniaŭ ludziej.
«Kali ŭ nas zahinuli bolš za 200 čałaviek, nielha kazać, što byŭ pryniaty režym spynieńnia ahniu», — zajaviła jana na pres-kanfierencyi.
Lidar Hiermanii taksama zaniepakojenaja vybarami, jakija majuć namier pravieści «apałčency» ŭ Danbasie. «Całkam dakładna zrazumieła, što jany nie adpaviadajuć ukrainskamu zakanadaŭstvu», — zajaviła Mierkiel.
Pra toje, što lidary krain Jeŭrasajuza nie buduć abmiarkoŭvać pytańnie ab admienie ci zrobiać bolš žorstkimi sankcyi suprać Rasii, raniej paviedamlała i ahienctva Reuters. Krynicy vydańnia ŭ dypłamatyčnych kołach paviedamlali, što na samicie ES 23-24 kastryčnika heta pytańnie padymacca nie buduć.
Pry hetym lidary krain Jeŭrasajuza zapatrabujuć ad Rasii prykłaści bolš namahańniaŭ dla narmalizacyi situacyi va Ukrainie. «Rasijskaja Fiederacyja pavinna pavažać nacyjanalny suvierenitet i terytaryjalnuju cełasnaść Ukrainy i prykłaści namahańni dla palityčnaj stabilizacyi i ekanamičnaha azdaraŭleńnia Ukrainy», — pryvodziła ahienctva prajekt zajavy.
