Štrafavać za nievykarystańnie zimovych šyn buduć z 16 studzienia
Štrafavać za nievykarystańnie zimovych šyn buduć z 16 studzienia 2015 hoda. Ab hetym siońnia paviedamiŭ namieśnik načalnika adździeła navukova-mietadyčnaha i pravavoha zabieśpiačeńnia UDAI MUS Alaksandr Zanimon u čas anłajn-kanfierencyi «Novaja redakcyja PDR Biełarusi, novy ŭzrovień biaśpieki na darohach» na sajcie BiełTA.
«Ukaz ad 13 kastryčnika 2014 hoda numar 483 pa źmianieńni PDR ustupaje ŭ siłu praz try miesiacy paśla aficyjnaha apublikavańnia. Heta značyć z 16 studzienia 2015 hoda ŭniesienyja źmianieńni ŭžo ŭstupiać u siłu. Ale naŭrad ci z hetaha dnia hałoŭnaj zadačaj usich supracoŭnikaŭ DAI budzie vyjaŭleńnie transpartnych srodkaŭ ź letnimi šynami», — padkreśliŭ Alaksandr Zanimon. Štraf za nievykarystańnie zimovych šyn davoli nievialiki. U adpaviednaści z zakanadaŭstvam, kali kiroŭca zhodny z dapuščanym parušeńniem, to štraf budzie składać 0,5 bazavaj vieličyni (adna bazavaja ciapier Br150 tys.).
«Treba dumać nie ab tym, što budzie, kali ja parušu PDR. Treba dumać ab tym, što zrabić, kab nie parušyć Praviły darožnaha ruchu», — ličyć Alaksandr Zanimon.
Jon taksama adznačyŭ, što ciapier rekamiendacyi pa vykarystańni zimovych šyn zachoŭvajucca.
«Usie srodki masavaj infarmacyi nahadvajuć vadzicielam ab svoječasovaj zamienie šyn. Užo, napeŭna, mnohija kiroŭcy sutyknulisia z toj situacyjaj, kali treba stanavicca ŭ vialikuju čarhu, kab heta zrabić. U cełym našy kiroŭcy pryvykli da taho, što zimoj jany «pieraabuvajucca». Heta norma ŭsprymajecca hramadstvam stanoŭča, pakolki bolšaść razumieje: u peŭnych situacyjach heta dapamoža paźbiehnuć DTZ», — dadaŭ jon.
