Žychar Hrodna z-za projhryšu ŭ kazino raźbiŭ try aŭtamabili
Žychar Hrodna z-za projhryšu ŭ kazino raźbiŭ try aŭtamabili. Pra heta žurnalistam paviedamiŭ aficyjny pradstaŭnik Śledčaha kamiteta pa Hrodzienskaj vobłaści Siarhiej Šaršanievič.
Nieadnarazova sudzimy 28-hadovy haradzieniec prajhraŭ u kazino kala 10 młn rubloŭ. Kala 2.30 nočy pjanym jon vyjšaŭ ź ihralnaha kłuba i spahnaŭ svoj hnieŭ na tym, što trapiłasia pad ruku. Paciarpieli try vypadkovyja aŭtamabili, jakija stajali pobač z domam pa praśpiekcie Klackova. Niaŭdały hulec kryšyŭ ich nahami, rukami, kamieniem i butelkami.
U vyniku ŭ Chevrolet Spark byli pakarabačanyja dźviery, bampier, kapot i raźbitaje łabavoje škło, u Audi A6 — raźbityja dźviery i łabavoje škło, Citroen C4 Picasso pazbaviŭsia lusterkaŭ zadniaha vidu. Na Chevrolet Spark była ŭstalavanaja sihnalizacyja, haspadynia aŭto, jakaja pračnułasia ad jaje huku, vyklikała milicyju.
Supracoŭniki departamienta achovy zatrymali chłopca na miescy. Pa fakcie chulihanstva ŭzbudžanaja kryminalnaja sprava. Pa słovach Siarhieja Šaršanieviča, kampiensacyja škody budzie kaštavać bolš, čym jon prajhraŭ u tuju noč u kazino. Pamier škody ŭ bližejšy čas vyznačać ekśpierty.
