Muž zastreliŭ žonku ŭ pieršuju šlubnuju noč za toje, što jana kuryła
Žychar Buda-Kašalova asudžany da 14 hadoŭ pazbaŭleńnia voli za zabojstva žonki z-za kureńnia, paviedamili ŭ prakuratury Homielskaj vobłaści.
Trahiedyja adbyłasia ŭ pieršuju šlubnuju noč. Para, jakaja da hetaha žyła ŭ hramadzianskim sajuzie kala dziesiaci hadoŭ, vyrašyła ŭzakonić svaje adnosiny. Na viasielle zaprasili rodnych i blizkich.
Kali hości razyšlisia, pamiž mužam i žonkaj raspačałasia svarka. Muž pabačyŭ žonku z cyharetaj, choć da hetaha jany damovilisia, što jana kinie palić. Mužčyna schapiŭsia za strelbu. Adziny streł staŭ śmiarotnym dla jaho žonki. Paśla hetaha jon pasprabavaŭ skončyć žyćcio samahubstvam, zasunuŭšy ŭ rot stvoł strelby i nacisnuŭšy na kurok. Adnak kula zasieła ŭ padniabieńni. Miedykam udałosia jaho vyratavać.
U Buda-Kašalova adbyłosia vyjaznoje pasiadžeńnie abłasnoha suda. Abvinavačany pryhavorany da 14 hadoŭ pazbaŭleńnia voli ŭ kałonii ŭzmocnienaha režymu. Prysud nie ŭstupiŭ u zakonnuju siłu i moža być abskardžany.
