UEFA moža pakarać Biełaruś za pavodziny zaŭziataraŭ na matčy z Ukrainaj
Hetuju infarmacyju paćvierdzili ŭ pres-słužbie BFF. Dyscyplinarny kamitet UEFA u listapadzie budzie razhladać spravu ab pavodzinach biełaruskich zaŭziataraŭ na matčy adboračnaha turniru čempijanatu Jeŭropy-2016. U vyniku, Biełaruskaja fiederacyja futboła moža atrymać štraf.
Nahadajem, što padčas hulni z Ukrainaj, jakaja prajšła 9 kastryčnika na «Barysaŭ-Arenie» na stadyjonie hučali šmatlikija palityčnyja kryčałki. U pryvatnaści, biełaruskija i ŭkrainskija zaŭziatary sumiesna vykanali viadomuju pieśniu pra Pucina z prypievam «ła-ła-ła-ła». Heta i vyklikała niezadavolenaść jeŭrapiejskich futbolnych čynoŭnikaŭ.
Darečy, Fiederacyja futboła Ukrainy taksama moža panieści pakarańnie za pavodziny svaich hledačoŭ padčas hulni, pryčym nie tolki za «palityčnyja śpievy», ale i za kidańnie piratechniki.
