Niamieckaja raźviedka: Małajzijski «Boinh» nad Danieckam źbili sieparatysty
Časopis Der Spiegel daviedaŭsia źmiest dakładu Fiederalnaj raźviedvalnaj słužby Hiermanii (BND) ab pryčynach padzieńnia małajzijskaha «Boinha» pad Danieckam. Kiraŭnik BND Hierchard Šyndler pradstaviŭ dakład Parłamienckamu kantrolnamu kamitetu 8 kastryčnika.
Pa viersii niamieckaha boku, vina za avijakatastrofu lažyć na sieparatystach- «apałčencach», jakija źbili samalot z dapamohaj zachoplenaha va ŭkrainskich vajskoŭcaŭ ZRK «Buk».
Jak piša Der Spiegel, padčas svajho vystupu Šynłdier zajaviŭ, što ŭkrainskija i rasijskija ŭjaŭleńni ab tym, što zdaryłasia, nie adpaviadajuć rečaisnaści.
Ab datyčnaści «apałčencaŭ» (prarasijskich bajevikoŭ-sieparatystaŭ) da padzieńnia «Boinha-777» zahavaryli adrazu paśla avijakatastrofy. Tyja ŭsie abvinavačvańni ŭ svoj adras abviarhali, uskładajučy vinu na ŭkrainskich vajskoŭcaŭ.
Samalot avijakampanii Malaysia Airlines, jaki rabiŭ pieralot z Amsterdama ŭ Kuała-Łumpur, paciarpieŭ katastrofu kala Daniecka 17 lipienia 2014. Usie 298 čałaviek, što znachodzilisia na borcie (pasažyry i členy ekipažu) zahinuli.