Śviatar u Połacku pryjšoŭ da sałdat z razmovaj pra hrech abortu
Nastajaciel połackaha chrama Archanhieła Michaiła protaijerej Alaksandr Šachovič naviedaŭ v/č 32404 Połackaha harnizona.
Temaj hutarki, inicyjataram jakoj vystupiŭ kaardynacyjny centr abarony žyćcia i siamiejnych kaštoŭnaściaŭ Połackaj pravasłaŭnaj jeparchii «ZaRoždienije», staŭ hrech abortu, a taksama ŭmovy pabudovy mocnaj siamji.
Sustreča adbyłasia 30 vieraśnia na terytoryi vajskovaj častki i vyklikała žyvuju cikavaść asabistaha składu, paviedamlaje eparhia992.by. Aficery, praparščyki, sałdaty i siaržanty słuchali słovy protaijereja Alaksandra, jaki raspaviadaŭ pra toje, čamu vierahodnaść abortu tak vysokaja ŭ sučasnym śviecie i pra nieabchodnaść zmahacca z hrachom dzietazabojstva. Asablivuju ŭvahu śviatar nadaŭ historyi abortu, zrabiŭšy ekskurs u minułaje i prasačyŭšy zaniapad chryścijanskich kaštoŭnaściaŭ.
