Ruch da 100 km/h z 14 kastryčnika dazvolać jašče na adnym učastku MKAD KARTA
Z 14 kastryčnika jašče na adnym učastku MKAD budzie dazvoleny ruch z chutkaściu da 100 km/h. Pra heta karespandentu BiełTA paviedamiła kiraŭnik pres-słužby DAI HUUS Minharvykankama Taćciana Charlinskaja.
«Z zaŭtrašniaha dnia budzie realizavany druhi etap prajekta pa pavieličeńni chutkaści na MKAD pa 3-j pałasie ruchu da 100 km/h na ŭčastku ad Łahojskaha trakta da praśpiekta Pieramožcaŭ, za vyklučeńniem ŭčastka źniešniaha kalca ad 42-ha da 44-ha km MKAD u suviazi z kanstrukcyŭnymi asablivaściami darohi. Na padzialalnaj pałasie pastaviać kanstrukcyi z darožnym znakam 3.24.1 «Abmiežavańnie maksimalnaj chutkaści» i znakam dadatkovaj infarmacyi 7.14 «Pałasa ruchu». Ahulnaja daŭžynia učastkaŭ z pavyšanym chutkasnym režymam ruchu składzie 39 km», — raspaviała Taćciana Charlinskaja.
U Dziaržaŭtainśpiekcyi adznačyli, što hetyja ŭčastki vybrany nie vypadkova. «DAI Minska sumiesna z zacikaŭlenymi słužbami praviała detalovy analiz: na hetych učastkach ryzyka ździajśnieńnia DTZ minimalnaja. Prapusknaja zdolnaść dziakujučy pavieličeńniu chutkasnaha režymu palepšycca. U budučyni budzie razhladacca pytańnie ab pavieličeńni chutkasnaha režymu i na inšych učastkach MKAD», — dadała kiraŭnik pres-słužby.