Reuters: Pryznańnie Šviecyjaj Paleściny moža źmianić bałans sił u suśvietnaj palitycy
Rašeńnie Šviecyi pryznać Paleścinu biez papiaredniaha ŭzhadnieńnia sa svaimi sajuźnikami moža stać pradvieśnikam źmieny paradyhmy ŭ suśvietnaj palitycy.
Jak piša Reuters, sacyjał-demakraty, što kirujuć u Šviecyi, abviaścili ab svaim namiery pryznać urad Paleściny jašče ŭ miežach svajoj vybarčaj prahramy. Adnak toje, ź jakoj chutkaściu šviedski ŭrad zrabiŭ padobnuju zajavu na aficyjnym uzroŭni, stała niečakanaściu dla šerahu krain, uklučajučy Izrail.
Da niadaŭnich časoŭ Šviecyja, što znachodziłasia pad uładaj pravacentrysckich sił, była pryjaznaj ZŠA i aktyŭna prymała ŭdzieł u vajennych apieracyjach zachodnich sajuźnikaŭ.
«My spadziajemsia, što heta (pryznańnie Šviecyjaj Paleściny) daść novy vitok dyskusii datyčna situacyi na Siarednim Uschodzie», — prakamientavała situacyju ministr zamiežnych spraŭ Šviecyi Marhat Valstrom.
Jana taksama zajaviła, što Šviecyja budzie imknucca da taho, kab zaniać novuju rolu ŭ suśvietnaj palitycy, i ŭ mienšaj stupieni aryjentavacca na supracoŭnictva z NATA. Pa słovach Valstrom, siarod pryjarytetaŭ novaha šviedskaha ŭrada — imknieńnie da razzbrajeńnia i abarona pravoŭ žančyn.
Nahadajem, ułady Šviecyi abviaścili pra namier pryznać Paleścinu 3 kastryčnika.